نوحه قدیمی اختر تابانم اکبر عزت دورانم اکبر عزم میدان اتمه اوغلوم با نوای حاج سلیم موذن زاده

دانلود صوت کامل نوحه قدیمی اختر تابانیم اکبر عزت دورانیم اکبر با نوای حاج سلیم موذن زاده اردبیلی محرم سال 1364

اخترِ تابانیم اکبر  عزّتِ دورانیم اکبر
عزم میدان ائتمه اوغلوم  گتمه اوغلوم، گتمه اوغلوم

متن کامل نوحه اختر تابانیم اکبر عزت دورانیم اکبر

اخترِ تابانیم اکبر
عزّتِ دورانیم اکبر
عزم میدان ائتمه اوغلوم
گتمه اوغلوم، گتمه اوغلوم
لیلینی هجران اید ر درده مبتلا
آهو باخیش گوزلروه گوزلریم فدا
بی امانم باغریقانم
گتمگوند ن ناگرانم

.
( مخالف )
.

دویمادیم من خوش سوزوند ن
آتما منی تز گوزوند ن
هر نه دن سن منه باصفاسن
قلبیمون دردینه آشناسن

.
.

حسنووه مفتونم اوغلوم
عشقیوه مجنونم اوغلوم
وار یوزونده قاره خالون
آیدان آیدین دور جمالون
لاله کیمی گول یوزوون داغداریم
بیر ئوپوشه لبلروون بیقراریم

.
( مخالف )
.

قاشلارون محکم کماندور
کیپریگون اوخدان یاماندور
اوخلاما قلبیمی قاش گوز آتما
دمبدم آیریلیقدان سوز آتما

.
.

دردوه دوزدوم دایاندیم
آتشِ عشقونده یاندیم
چوخ تَلَسمَه کار و زاره
گِتسون اولّام بختی قاره
عمریمی محنت ویر ر باده سنسیز
خوش گونوم اولماز بو دنیاده سنسیز

.
( مخالف )
.

مَرکبِ عشقون دایاندیر
عزمِ هجرانون یوباندیر
قویما قلبیم فراقونده یانسون
گل اوتور لیلی باشه دولانسون

.
.

بی کس و بی دادخواهم
چاره سیزم بی پناهم
حالیمه بیگانه یانماز
لیلی سن سیز زنده قالماز
گِتسون علی آتشِ هجرونده یانّام
باش گوتوروب چوللره ویلان دولانّام

.
( مخالف )
.

سروِ زیبا قامت اوغلوم
وار دیلیمده حسرت اوغلوم
گتمه ای دردیمین آشناسی
گیمیوبسن هله توی لباسی

.
.

مشعلِ حسنون آلیشدیر
لیلینی دیندیر دانیشدیر
گور نه شیرین صحبتیم وار
دیلده داغِ حسرتیم وار
برهم ایدوب عمرومون ظلم اساسین
اللروه یاخمادیم طوی حناسین

.
( مخالف )
.

کاخِ آمالیم تالاندی
سیر اقبالیم دولاندی
خونِ دیللر یدیم گول بجردیم
جان قویوب عشقووه غصّه دردیم

.
.

گور نه یانیب گوینَر م من
سنسیز علی نیلرم من
آتماز اوغوللار آناسین
گوزلرون آللام قاداسین
گل آنوون غصّه لی گوگلون آل گیت
باشینه لیلانون علی قاره سال گیت

.
( مخالف )
.

دوزمه قلبیم چوخ دویونسون
ناز ایله لیلا سویونسون
روحیمی هجرون ایلر مکدّر
عمّووه لیلینی تاپشور اکبر
بی امانم باغریقانم
گتمگوند ن ناگرانم

 

شاعر: سید تقی سیفی اردبیلی